普天同慶 馬力瓜柴

消息指娓中亂港民賤聯黨魁馬力今日下午於廣州中山大學腫瘤醫院一命歸西.

仆街馬力不久前為左向共匪獻娓竟然口出狂言, 竟指八九年首都的大屠殺事件乃後人誇大其辭. 其面皮之厚著實令人震驚不已.　一時間全國有識之士莫不義憤填膺口誅筆伐．如此時勢馬力竟敢與公義為敵, 與歷史為敵, 與千千萬萬為暴政所打遏欺凌之中國人為敵, 不僅是香港之恥, 更是自由之恥, 是為我大中華將唾罵千古的惡棍漢奸.

不排除馬力之言行實為北京在背後塞入香港的探熱針, 試探香港乃至世界社會及傳媒對八九年事件的看法. 若果真如此, 馬力明知大限將至仍肯不顧身前身後名, 甘願淪為共匪的扯線公仔, 無恥亡命之徒死不足惜; 若否, 此人不顧後果迫不及待屎忽一痕就向北京搖尾乞憐大表忠貞, 無知加上無恥, 其是生是死, 更不足為外人道; 唯一慶幸的是此政棍之言論足以令本已身陷囹圄之民賤聯誠信失盡顏面無存, 馬上與之劃清界線, 一夜仆街, 民望大跌, 也算大快人心.

天下該死之人何其多.

天下不該死之人, 祐我中華.

大隻東大隻西

末代港督彭定康的<東方與西方>.

已經唔係一本咩新書, 英文版晨早就出左, 譯得太慢? 肥彭識做show就係人都知, 揀正回歸十年書展黃道吉日拋售倉底貨, 搞到個個一窩蜂唔搶就笨咁款. 本書除左有肥彭反對吹捧亞洲成就以外 , 主要都係涉及到肥彭對所謂"亞洲價值觀"既睇法(佢斬釘截鐵咁話):"就是一種威權主義、專制跋扈、朋黨營私者流, 為一己便利合理化之工具". 呢翻說話無論係對於現時國內甚至當時港台果種"大亞洲"虛榮心以及賣到成行成市既亞洲研究書籍黎講, 直頭係一面冷水. 簡單黎講, 對於成就四小龍之主因為何? 以往好多人講:"係因為亞洲人(香港人)勤力!" (噢, 好似而家仲係咁講). 勤鬼勤馬, 新界班牛點解仲唔崛起向大陸傾銷牛屎? 肥彭係呢本書入面所強調既野, 係制度, 無論經濟措施, 還是與之相配合既政治體制, 唇亡齒寒缺一不可. 俾你擇岩時辰, 係咁意崛起一下, 從無完善的對口的所謂民主政制配套設施, 果d就叫泡沫, 叫虛火, 唔係叫勁: 中國大陸一樣有辦你睇. 果d咁既所謂勤力論, 不過係一種漫不經心的自我催眠之說. 等你以為你勤勤力力就有飯食, 等你班西裝佬眼鏡友林亞珍豬肉榮一日做足十幾個鐘自我虐待勞累死當港人殊榮, 打生打死開埠咁耐而家先話開始討論最高工時限制, 先話開始爭取民主, 先話開始文化反思, 到底係香港人反應遲鈍, 定還是急功近利淨係識得向錢看? 無獨有偶今日明報刊出曾財爺網誌評論最近香港保育事件, 歎謂:"這一代人(戰後嬰兒潮果班)的成功, 卻造就了97年後香港的失敗, 只迷信不斷賺錢就可以勝出的方程式, 只講效益, 不談價值. " 可見肥彭實在係有先見之明. 書中仲有好多珍貴圖片:末代港督同首任特首握手呢~

另一本書, 官場八卦之"不一樣的外交家" 的中文版亦即將出版, 書中包羅肥彭對國際政治舞台上的政治人物都有犀利點評, 唯獨缺的是佢所最討厭既中國領導人, 而只係擺左個過氣總理上台, 即係太上皇唔多中意既朱鎔基, 肥彭則話佢"令人欽佩". 家陣兩條友一個垂簾, 一個落草, 肥彭本書既中文版先得安樂出街, 唔通又有筆禁? 唔知咁多. 請注意, 呢兩本肥彭都話"不是一本回憶錄". 肥彭文字就同佢本人一樣風趣辛辣, 睇呢兩本書大可由頭笑到落尾, 絕不欺場.

abu無啦啦發左本野個電子版過我, 匆忙掃左幾頁, 決定執翻本翻屋企. 原版amazon都有賣, 最平賣得果10雞美金, 睇怕除左我地之外, 無咩西人對呢本書有興趣喎. 咁都係既, 反中國威脅論, 呢本野擺明就係寫俾大陸睇架啦.

阿福反復話:"梅鐸個仆街驚得罪共匪唔俾佢出(回憶錄)!" 又加上梅鐸竟然又走去執埋華爾街日報黎玩, 霎時間對呢個邪惡大國民(citizen kane)恨之入骨剿而後快. FT今期封面做梅鐸, 係咁意過去及及啦.

香港有個中宣部

香港有新聞自由，但也有中宣部，一個由傳媒老板掌舵的隱形中宣部。香港沒有新聞預檢，但有自我審查，新聞從業員明哲保身下的自我審查。

在香港，新聞自由是商業籌碼，也是政治遮羞布，是傳媒老板向中國政府獻媚擦鞋交換商業利益的籌碼，也是中國政府粉飾一國兩制門面的政治遮羞布。 在中國政府與寡頭財團兩座大山壓迫之下茍延殘喘，就是香港新聞自由的現狀。

黎智英掌舵下的壹傳媒，不是香港新聞自由的風中之燭，只是香港新聞自由現狀的倒影。因為新聞自由不死，蘋果日報及壹週刊可以屹立至今，也因為新聞自由退化，壹傳媒生存備受壓力舉步維艱（黎智英年初在衛報專訪中自爆，在北京封殺及財團杯葛下，每年少賺兩億廣告）。因為新聞自由不死，香港尚有一家堅守反對派立場的傳媒，也因為新聞自由退化，香港衹存活下一家堅守反對派立場的傳媒。

固然，自由之存在及延續，取決於是否有人，以及有多大比例的人去爭取及維護自由。或許正如黎智英所一直堅稱的，尚受法治所保護的香港，其實并未喪失新聞自由，新聞自由狀況之嚴峻，根源在傳媒本身，源於傳媒老闆及新聞人在金錢和權力面前不敢挺直腰桿（肥佬黎近期公開言論，除3月14日衛報外，尚見6月28日《蘋果日報》「回歸十年百人誌」專訪，及本月公民黨《A45報》終刊號的專訪）。

不過，在傳媒老闆淫威之下，身為區區打工仔的新聞從業員，被迫在骨氣與飯碗之間，在專業操守與自我審查之間作出抉擇，其煎熬艱難，又何異於浮士德之天人交戰。在傳統傳媒，新聞自由之命運，完全取決於傳媒老闆的利益立場及價值取向。編輯自主，更屬奢談。

香港記協7月8日發表年度香港新聞自由體檢報告，指出在北京發功威逼利誘，以及曾蔭權政府操控傳媒手法升級之下，香港新聞自由空間日趨收窄，傳媒自我審查越益嚴重。（自7月9日明報）

鎮壓中大學生報，政府陰謀殺港台，馬力否認六四屠城，吳邦國攻擊香港司法獨立，胡錦濤訪港要求強化愛國教育，朱培慶因緋聞下台，近期一係列大大小小政治風波，無風不起浪，均令人驚覺從天庭傳來雷聲隱隱，有山雨欲來風滿樓之勢。

正在無線播講粵語版《大國崛起》的狄娜，向外界投訴節目中評論中國領導人的言論被無線閹割，「第一集錄完之後有D要剪，有一段講江澤民同曾慶紅既。我話：『究竟曾慶紅有冇為江澤民講妥乜條件，然後佢先至肯下台呢？』監製話要剪。」（《蘋果日報》7月9日狄娜專訪）

中大學生報被政府淫審處司法迫害，編輯部據理力爭，上訴抗爭到底，曾蔭權陰謀殺港台，港台員工發起撐港台運動，動員市民支持港台和平過渡。親共前艷星狄娜被言論審查，卻衹對外人發一頓牢騷了事，「我話你再係咁樣，我就唔做喇」。

你明知無線保皇，都仲去做政論節目，今次撞左板，下次你仲敢越界咩？何謂自我審查，一目了然，一葉知秋。
中大學生報情色版事件。5月16日明報照片


撐港台,今年七一遊行。7月2日明報照片


5月13日，民建聯主席馬力公開否認六四屠城，稱「否則四千人（學生）應該死晒」。










6月6日，吳邦國公開稱，「中央授予香港多少權，香港就有多少權」，並且攻擊香港三權分立及普通法原則。










6月30日，胡錦濤訪港期間，敦促香港「重視對青少年進行國民教育」。