碗麵上台之際, 恰好餐聽電視機中看見財爺曾俊華現形. 財爺話, 家陣政府貼左2千文出黎, 大學生人工可能仲會低d, (譬如話, 4千文), 請大家唔好斤斤計餃.
我, 碗魚蛋係手中咁震係咁震. 財爺你話咩話? 將呢段話斬件(專業說來叫符號化)之後, 有以下keyword: 4千文人工. 大學生. 唔好計較. 字面聽落就係恭喜發財, 愛拼才會贏; 字義食落其實係Deal Ney Lomo, 翻去食自己.
無 可否認, 財爺都有讀過經濟學. 當佢胸有成竹拎一抽數據出黎講野果陣, 佢仲會揩幾個專業術語俾你聽下: 通脹與就業矛盾性(一個關於通漲影響人工的paradox), 再就業(人力資源循環榨用), 儲備, 需求, 等等等等. 但佢開聲講到2千文援助大學生, 實即優先補貼奴隸主(資本家)榨取大學生生產力, 財爺的專業形象亦因而旋即破產. 老實講, 過往所謂毅進, 所謂青見, 所謂ive, 所謂副學士, 所謂大學學制三改四, 實即都係對付緊同一個問題:班人越遲畢業, 勞動力市場迫爆既定時炸彈就會因之拖得翻一時半刻. 唔係你讀咩讀咁耐? 政府咁多野教到你? 呢類再就業培訓機構, 本身就充當著失業/預備失業人士看守所既角色, 具有穩定社會的政治功能. 失業大軍人數增加不但會推高社會不安全感, 製造社會不穩定, 仲會影響消費, 從而影響生產, 拖死整個市場. 中南海領導人最近就失業警號頻頻響起而作出的一連串強勢包抄式監控, 失業率與政治之間的緊密程度可見一斑. 所以, 你又失業, 唔係因為你證書太少, 而係你俾人呃得仲未夠耐!!
WHY 大學生? 大學生滿腔激情, 大學生認得幾個字, 大學生書生意氣, 大學會參加各種團體上街怒吼, 而更重要的是, 過半大學生要還巨額卡數兼長命Grant-Loan. 優先援助大學生就業, 實質係政治考慮優於經濟考慮的折衷政策. 所謂財政預算案, 其實係一份施政報告.
我對於這所謂"大學生不宜斤斤計較"的說法極之反感, 你大可以說我花某驕恣自傲, 期間亦不妨再想, 連大學生都只值四千, 除現有大學生人口外的幾百萬人, 若你一個中五畢業生, 現在值幾錢? 奴隸主請個大學生有政府津貼2千文, 請你仲要FULL-PAY, 要你托咩; 若你連中五畢業生都不是, 是內地來港青年/中年, 在這大學生即將迫爆各大快餐店的關頭, 你想迫入花園街賣底褲都唔使旨意!! 不必多想, 財爺的津貼, 必然會為失業率火上加油.
想必財爺懂得更多的, 是會計學, 而不是經濟學. 經濟學是一項關於調配利益平衡的學問. 你又何必猩猩作態, 自暴其短?
氣還未下, 財爺又大義凜然地宣佈要為全香港煙民著想, 提高煙稅, 每包十文. 全餐廳一片嘩然.
為 全民健康著想的措施竟非出自食環署, 又非醫管局, 而是財爺的財政預算案? 事實不過是, 你自己倒錢落海, 窮到褲穿窿, 就承機走黎關心我地小眾(一小撮煙民)的健康:"哈你未死得喎"咁, 借D意走黎抽我水. 鑊鑊都係咁! 如此厚顏無恥的偽善說法, 可謂聞所未聞. 作為被長期妖魔化的其中一名煙民, 我每隔幾日自覺繳稅, 先是繳百分之一百, 現在是百分之一百零三, 唔好意思, 我都係納稅人!! 你地之中有邊個納稅人因為交足稅而俾人當殺人兇手?! 如果說一個公平的制度之下, 納稅是一種公民義務, 與之相對應的是公民權利, 換言之權利與義務應呈對等狀態. 就算煙稅乃其一所謂懲罰性徵稅, 我既已盡納稅責任, 我就應該享有我對應稅項中最基本的權利--吸煙!! 蒙政府垂憐, 久唔久就用口關注我等煙民的身體健康. 至於為何政府只能對煙民而非煙草商採取懲罰性政策限制, 為何政府可以周街派美沙酮而非戒煙貼, 為何政府又要俾你買煙又要唔俾你吸煙? 既然我們這等煙民已經水深火熱, 為何政府從不釋出援助之手, 反之更煽風點火發動輿論暴力, 極力妖魔化邊緣化香港煙民?!
政府低能, 好高鶩遠一再企圖規範化在公共場所的吸煙行為, 經濟手段不行(加稅), 就用上行政手段(強行食肆禁煙), 行政手段原來係廢既, 就用上司法手段(你一路交稅, 一路罰你錢), 司法手段又失效, 用上道德高壓(食二手煙會死人), 道德高壓失靈, 又走回舊路重新經濟幹擾. 假如政府真如高官所言, 加稅是出於關心煙民自身的健康, 本無必要強調二手煙禍害; 所謂二手煙禍害的潛台詞, 不過就是說煙民為害社會, 亦即強迫煙民對社會安全付上全部道德責任. 原諒我只是個天真的陰謀論者, 既得利益者讀出的所有數據, 只有既得利益者自己才知道當中水份含量. 包括政府高官一致言之鑿鑿, 飲紅酒, 對身體有益, 對經濟有益, 對社會有益, 楂車仲唔會撞死人添. 簡單說來, 家長姿態的高官已經為市民選擇好生活興趣, 非我族類者皆課以重稅, 隨時發爛. 之所以禁吸不禁賣, 不過是留有後著, 唔夠錢洗就搵你開刀. 尤其是港府財政江河日下之時, 尤其是煙民被強力遏制於道德低地之時.
我並不是說吸煙乃高尚情趣, 同時亦沒有認為飲紅酒低級趣味. 港府施政一如以往, 毫不意外地就是一場達里奧‧福式的荒誕劇, 在一連串"重複的愚蠢--愚蠢的重複"模式中, 終於眯著兩眼直達高潮.
吾謹以ANTI-DEAL NEY LOMO，為RE-DEAL港府, 因撰及此.
沒有留言:
發佈留言